ما خذيت من المحبه غير شوقي والحنين
وما خسرت إلا وجودي وضحكتي ونوم المسا
مو حزن هذي عيوني ما تبي وجهي حزين
كلما تنزل دموعي تبتسم عل وعسى
قلبي يا كثر الحسافه كثر ما حبك سنين
علق الدنيا في بابك حط أماله ورسا
كان يسأل كل ليله وينك واخرك وين
كنت أقوله بكره يرجع وانسى لكن ما نسا
إيه انا وباقي جروحك في غيابك عايشين
يا معودني فراقك صرت ماخذ ع الاسى
يعني لو قالولي كيفك بخير جرحك طيبين
ما تغير شي لكن كل شي فيني قسا