تعبت انا من طيبتك .. واشتقت احس بقسوتك
اجرحني لو مره خلاص .. مليت انا حنّيتك
حاول تصد تزعل علي .. واعدني وانسى ولا تجي
اهجرني حاول تختفي .. ودي اعاني في غيبتك
كم لي معك حب وحنين .. ما مل قلبك عشرتي
في ذمتك كل هالسنين .. ما شتقت مره لدمعتي
ترى المحبه بلا جروح .. علاقه بس من غير روح
يا اروح انا والا تروح .. يا دمعتي يا دمعتك
ادري في قلبك وش تقول .. ونظرة عيونك مؤلمه
وكلامي ماله أي قبول .. واكبر من إنك تفهمه
يا روح قلبي والأهل .. هوانا محتاج لزعل
كم يوم ونرجع وش حصل .. وارجع بعدها لطيبتك