عزاه يا قلبٍ تجدد صوابه
كثرت هواجيسه وكثرت طواريه
وا عمري اللي راح لا وا سفابه
هذي سواة الحب يا جاهلٍ فيه
راعي الهوى يكثر عناه وعذابه
ما يهتني بأول زمانه وتاليه
يشيب راعي الحب اول شبابه
ما الله يلوم اللي يبي شوف غاليه
إن شفت زوله قلت يا مرحبا به
وان راح عني راح قلبي يباريه
حبك يسل الروح ما يندرى به
يا زين لا تذبح حبيبك وتحييه
جاني عذابي قبل احسب حسابه
والحقتني منقود وانت السبب فيه
فضحتني بأقصى العرب والقرابه
مالي جلد والصبر مانيب قاويه