اصح وقــم من بدري ماتقولش لسه بدري
ده يوم جديد من عمرك ويوم جديد من عمري
الصبح لما صبّح وفات بكاسه يدور
الورد طل وفتح لقى الندي مغدور
ميّل وقام وتمرجح ويّا الهوى والنور
خلّى البلابل تصحى تغني لحن جديد
تفرِد جناحها بفرحة تِفرح قريب وبعيد
يا اللي نسيت ايامك والعمر يوم ورا يوم
لايم مع احلامك ومهما طال النوم
حتصحى من اوهامك تشرب مرار اللوم
يا مقضي يومك سارح ما تقول لي سارح ليه
بُكرا حيبقى امبارح وياما تبكي عليه