آه يامن ون ونات القهر ... من جروحٍ ساطيه باقصى الضمير
مستصيب وصابرٍ طول الدهر ... كاتمٍ مابي ولو جرحي خطير
الحذر مايفيد وإن جاك القدر ... الموده تبتلي عود وصغير
مايلام اللي عن الـ ما به نشر ... والقوافي تشبه الدر النثير
الصبر ثم الصبر ثم الصبر ... من صبر لابد يحمد في الأخير
بانشدك عن طير في غبة بحر ... البحر دايم وفي بره يسير
حذر ماينصاد في لمسه خطر ... يحمل جناحين وبهمه يطير
في بساتينٍ على شط النهر ... حذر ماينصاد واحذر من حذير
ياعل داره جود همال المطر ... ولازم الرحال يرويه الغدير
تكسي دياره من أنواع الزهر ... والشذى من البن لفحات العبير
والزمايم تغشى بأنواع الشجر ... لازم الوديان مفروشه حرير
نور خده مثل شعشاع القمر ... وإلا شمسٍ هيفت عقب العصير
وان تبسم عن ثمانٍ كالدرر ... دانة الطواش من لجٍ غزير
من عليه اهدي سلامي والأمر ... اشتبه عنوانكم والإسم غير