هجرتك غصب مو مني عسى بفراقنا خيرة
كثير أشياء بالدنيا نبيها بس نخليها
طلبتك لا تعاتبني وأبد لا تجيب هالسيرة
خلاص أرجوك إنساها محبتنا ولياليها
ذبل عمري وطال الدرب وتاهت بي مشاويره
تعبت أعيش بأوهام الهوى والنفس أمنيها
قلبي جاك يترجاك لو تقبل معاذيره
محبتنا وعلاقتنا كل الحب ننهيها
أحبك إي أحبك حيل وحبك صعب تفسيره
لكن إنت مو ملكي ظروفك صعب أجاريها
أنا كل ليلة أقضيها عذاب وشك مع غيرة
دخيل الله ريحني أنا هالعشرة ما أبيها