عين المها كف النظر لي بتحذير .. مقدر احوش العين دونك نظرها
الله بلاني بحب سودن محاوير .. سلمت له قلبي و أنا أعرف خطرها
أحسب شعوري نظرة إعجاب وتقدير .. اثري عيونك بي تمكن سحرها
يوم(ن) نبذة فسر لي كثر التفاكير .. ويا دموع(ن) طرفي لجلك نثرها
هلكتني بالحب يالله عسى خير .. هذا نصيب النفس وهذا قدرها
ارجوك لا تجعل حياتي مخاطير .. مادام سلطان الهوى لك أسرها
من طلعتك سود اليالي مسافير .. لا بان به نورك تخفى قمرها
يا فاتن الأوصاف سمح التعابير .. جنبني عن جور اليالي وكدرها