تعال ابيك تعيش عمري معايه
ودي اعوض اجمل العمر وياك
تعال نكتب بالمحبه روايه
باسمك وباسمي واسمها قلبي يهواك
انا هويتك عشق ماهي حكايه
تنقال في هذا وتنقال في ذاك
جيت وتركت الناس كلها ورايه
شلتك هنا في القلب والعالم هناك
كل ما اشوفك شفت في الحسن أيه
ويطل لي وجه البدر من محياك
وامسك كمان الحب واعزف هوايه
وانت تزيح الليل من كل شباك
يا ملهمي في الحب لا تعيش تايه
اطلب دفى عمري وانا اقولك جاك
كمل معي باقي فصول الروايه
وانا بكمل فرحة العمر وياك