ابرحل عنك الليلة بسري في الظلام
ابنهيها معاناتي ولك منّي سلام
ياليت الوداع يكون بلا عتاب وملام
ياليت الفعل يا سيدي مثل الكلام
وبابدا بقسوتي فيني انا باقسى علي
بأهد اللي بنيته بايديني .. بايدي
لا كان الهوى لا كان ذلّك يالغرام
ياليت الفعل يا سيدي مثل الكلام
ولا بيهمني دمعك ولا باشفق عليك
ولو حلفتني باغلاك وردتني إيديك
باصدك واتركك ماضي واتوجه امام
ياليت الفعل يا سيدي مثل الكلام