انا كلي اسف للي بدر مني من الفاضي
قسيت بردة افعالي وزودت العيار شوي
انا ما جيت اعاتب بالملام وافتح الماضي
مفاتيح العفو عندك عسى به من نصيبي شي
خذتني عزتي باثمي وعينت الزعل قاضي
حكم لي بالجفا عنك وانا قلبي صرخ لي عي
تحسب اني قدرت انساه ترى كله حكي فاضي
انا مقفي وفي نفسي اقول الله يرده لي
انا قاعد على بابك الين تقولي راضي
تبيها عام او ليله تدلل ما ورانا شي
ابقعد لين تنصفني وتغفر ذنبي الماضي
افضل اخسر الدنيا ولا اخسرك لو شوي
حبيبي لا تعنيني مريض وبانت اعراضي
تعبت من الشعور اللي لاني ميت ولاني حي
متى ترجع سعادتنا وترجع شمسنا تاضي
كريم انت وانا استاهل واكيد انك بتغفرلي