(موال):
إن مرني بالدرب ما اقدر احاكيه
مصيبتي يا كبرها من مصيبه
اللي يبينا عيت النفس تبغيه
واللي نبيه عيا البخت لا يجيبه
---
انا البارحه مامسيت والمسلمين رقود
حسبي على من كان هذا من اسبابه
الا محمد جعل عصر الغضي مايعود
وان حل بي أمر ٍ فلأسمر من اسبابه
رماني وغربلني ولا لي عليه شهود
يالعنبو حظ ٍ عجز عنه ما جابه
ويالله يا المطلوب يا منشي الرعود
يا موصل ٍ حجاج بيته إلى بابه
والله لولا الله واداري من المنقود
لااشق ثوب الستر ثم اتلوى به