لسه الشتا لعنيكي بيردني .. لسه المطر عصفور على الشباك
ايه اللي فيكي حبيبتي بيشدني .. ويخلي وردي تهجره الاشواك
انا اللي عشت العمر متغرب .. اشبه سحاب السما هربان
كل الجراح في البعد بتقرب .. وشي بيضحك والحنين غضبان
لسه الليالي والهوا وسحرك .. لسه الحنين رغم السنين موجود
لسه بتعشق مركبي بحرك .. لسه الهوا جوايا ماله حدود
وكأن شيئ يا حبيبتي متغيرش .. وكأن قلبي عالفراق مقدرش
كل السنين بعدك متعرفنيش .. كل الشوارع حبيبتي بتصدني