سافروا به حسبي الله عليهم سافروبه
فرقوا شملي وشمله ولا بيدي حيله
والله اني صابرٍ غصب والنفس مغصوبه
وا عذابي كان فرقاك يا الغالي طويله
عاقبوني في حياتي عساهم للعقوبه
اشتكي لله ولا غيره احدٍ اشتكيله
كل محبوبٍ شفيقٍ على شوف مْحبوبه
اتمنى شوفته .. كل يوم وكل ليله
جملة العشاق مضنون عيني ماحكوبه
من غلاه وحشمته ماتبي نفسي بديله
بس اجامل عند بعض العرب والقلب صوبه
كيف ابنسى اللي وصوفه مع العالم قليله
عفت نوم الليل والناس بالليل اهتنوبه
ساهرٍ ودموع عيني مثل وبل المخيله
وا هني اللي من النوم ما تعبت جنوبه
ما طوت حاله تفاريق الأيام الجميله
يافهد وش حيلتي ناعس الطرف ابعدوبه
حلها يا فتى شور انا روحي عليله