اسال الليل

قم واسال الليل كم مره مسح دمعي
كم مره زارني واشفق على حالي

كم مره جر مواله وسط صدري
كم مره شال عني نصف غربالي

كم حاول انه يواسي ليلي وشمعي
كم حاول انه يشيل اليأس عن بالي

رحمني الليل يوم انه وقف نبعي
ولارحمني خفووق الصاحب الغالي

خليتني وانا معتبرك اعز ربعي
واقفيت عني ورحت بدنيتك سالي

ماكني اللي وهبتك روحي وطبعي
وماكني اللي رفعتك بالغلا عالي

ياكيف ترضى ويرضى خاطرك وضعي
وياكيف قدر قلبك ينطق وانا مالي

ياكيف تنسى حبيب كان للك يدعي
يطلب من الله يبعد عنك الأهوالي

ماباقي الا تعزي فيني وتنعي
تمسح زماني وتحرق كل مرسالي

خلاص ماابيك في شوفي وفي سمعي
وماابي تجيني وتشفق على حالي
 

التبليغ عن خطأ