بعدك مأمل ترجـع شـئ راح .. اللي راح انساه لايمكن يعـود
اللي راح انساه واعتبره مزاح .. مثل ماانـي نسيتـه ياجحـود
مااشوف برجعتي يمك صلاح .. ياللي اشواقي تقابلهـا ببـرود
كم وكم كافحت من شانك كفاح .. ليه مابادلتنـي نفـس الجهـود
عشرتك هم وغرابيل وجـراح .. والعواطف مالها بقلبك وجـود
لي عمر وياك ماشفت انشراح .. اجني اشواكك واقول انه ورود
لاتعذرلـي ولاتبـدي اقتـراح .. انت ياما قلت واخلفت الوعود
وسط قلبك مالقا قلبـي مـراح .. والمشاعر مالقت منـك ردود
مانفع بك كل صبري والصياح .. واعتقد للصبر يانـادم حـدود
لاتوسل ترتجي مني السمـاح .. اعرفك ومجربك مامنك فـود