احيان احس اني الوحيد بحياتك
واحيان احس انك خلي مالك احباب
يا ما شعرت اني معك مثل ذاتك
وياما لمست انك من الحب مرتاب
حيرتني وشلون بافهم صفاتك
ترجي وصالي يوم وايام فغياب
اجيك تدفعني لشوفك غلاتك
واروح عنك شايل الجرح منصاب
انت القريب وكيف هذي سواتك
فيني عليك من الغلا لوم وعتاب
ما بي اكون بوقت من ذكرياتك
بعد المحبه ما ابي نرجع اغراب
الله لو طبعك يشابه حلاتك
الله لو فعلك فعل سود الاهداب
اني لا حقق لك جميع امنياتك
واهديك كل الحب يا كل الاحباب