لا تحسب اني بالبعد بنسى غلاك
لا والذي له النفس مردوده
دايم بوسط الليل بالحلم القاك
وياما تمنيت الحلم تصدق شهوده
اخفي دموع العين لحل طرياك
فكري على ذكراك قلبي يقوده
قلبٍ يداريك ماظن يخفاك
قلبٍ بحبك يوم اثبت وجوده
غلطان من بالهوى يصبر على جفاك
ومسكين من بالهوى تنوي صدوده
اخشى عليك من القدر لى صرت وياك
واخشى عليك من البشر ناسٍ حسوده
اخذ بشورك وبمشي على ماطاك
وبصبر على قلبٍ يبذل جهوده
يالله انا برجيك تمنح عطاياك
بشوف خلٍ له النفس مشدوده