من عذاب البعد قلبي مغتني
عايش بعدك على هم وعذاب
كل يوم من فراقك سمني
يابعد عمري سألتك لا تغاب
عمري اليابس لشوفك ينثني
انت بحره وانت برقه والسحاب
خلني ساعه بقربك اهتني
انسى فيها بشوفتك هم وعتاب
من حياتي ياحبيبي خذتني
شبت في دربك وانا عمري شباب
يارفيق العمر ماعودتني
انتظر يوصل لي من صوبك كتاب
من منام الليل والله حرمتني
ساهر والفكر ودا بي وجاب
في حياتي ياحياتي صبتني
ليه جزاي اليوم تتركني مصاب
كل من جاني نهاني ولامني
قالوا ان الحب بالدنيا سراب
ليتهم شافوا إلي شوفه شاقني
كان قالوا ان الهوى امره صواب