زمان البعد

يقصر زمان البعد ولا معك طال
عندي الزمن وقف بيوم عرفتك
كل التفاصيل الصغيره على البال
من يوم شفتك لين ما عاد شفتك

بعد الرحيل الموجعه الشوق قتال
اشوف بعضك بالوجيه وولفتك
احس لك ما بين الأضلاع مرسال
واتحسس دروبك ولا قد صدفتك

...

ذكراك ما تاقف على بعض الاطلال
صبيتك فكاس السنين ورشفتك
ادنى وصوفك بسمتك مثل الاطفال
والباقي ابطي بالخيال ان وصفتك

يامهرة الاحلام والشوق خيال
لو هو بكفي كان من مبطي عسفتك
اقسى شعور للغلى صعب ينقال
يثور في صدري وله لين يفتك