عناد .. ادري هواك عناد
والمشكله إن الغلا مثل الجمر وقاد
والمشكله .. إن الغرام اللي بقى لك زاد
مفتون انا .. مفتون يا صياد
وادري هواك عناد!!
ما طاوعني قلبي .. ولا طاعت الخطوه
ولا طاعني المداد!!
كل الحروف الساهره فوق الورق
قالت انا حبر الهوى ميت غرق
ما للدموع إلا الخضوع .. ما للرحيل إلا الرجوع
ما للسهر غير القهر .. يظهر على انفاس الشموع
وادري هواك عناد!!
يا لهفتي .. على غيمه تزور القاع
وتمطر على روحي .. على جروح من هواه ضاع
انا طماع!!
انتي البراري بالزهر تختال
انتي الاماني بالنظر تنطال
وابيك تعرف يالحبيب ...
اني صويب والهوى قتال
ومن الهوى همي يزيح جبال
وادري هواك عناد!!