كل ما قالوا نعم

كل ما قالوا نعم .. قمت طولي ما دريت

كلمة الغالي .. ولا ادري مين اللي قالها

واتصبر .. واتسلى .. ولكن ما قويت

وا عذاب القلب .. والعين وا عذابها

كل ما تطري علي كلمة الغالي بكيت

لو عذلت العين ما طاوعت عذالها

قالوا اصبر قلت ودي .. ولكن ما قويت

الخطر للروح من خلها يبرى لها

دايمٍ قلبي معه كان رحت وكان جيت

اشهد إن البعد للروح .. هو سلالها

كان مت انت السبب يشهد الله وإن حييت

متعبٍ هالرجل .. بقفايها واقبالها

ما هقيت إنه يطول غيابك .. ما هقيت

وان قتلت النفس معروف من قتالها

والله إني من جروح المحبة ما بريت

حطها بأقصى الحشا .. واحدٍ ما شالها

ما يفيد بها الدواء .. لو تداويت وشكيت

مشكله .. والمشكله طبها حلالها

من حكالي قلت له .. ما سمعتك لو حكيت

امشي في فالك .. وخلي العباد بْفالها

التبليغ عن خطأ