احكي وقول لي ويش جرى .. من بعد فرقانا سنين
احكي وقول لي بكل حرف .. كل المواقف والصدف
كل الحزن ويا الفرح .. عن الجروح اللي بقت واللي اختفت
عن ذكرياتك والسنين .. عن كل شوقك والحنين
عن ما بقى لي .. من خيال في هواك
عمر الخفوق .. اللي بصدري ما نساك
احكي وقول لي ويش جرى .. من بعد فرقانا سنين
انتي الهوى .. كل الهوى .. برد ولهيب
وانتي الجروح الداميه .. وانتي الطبيب
وانتي العيون اللي سهرت .. يمي تراعيني
وانتي الدموع اللي بكت .. لاجلي تواسيني
كل الغرام اسمك .. كل الصور في ناظري رسمك
كل البراءة .. في ذا الوجه انتي
آه .. انكوي لو نفترق .. يا روحي لا هنتي لا نفترق
لا نفترق وانتي الهوى .. ودون الهوى والله اختنق
احكي وقول لي ويش جرى .. من بعد فرقانا سنين