يا زين يا طول الليالي والايام ... اليوم عقبك ثقل خمسة عشر يوم
كن الدقيقة يوم واليوم لي عام ... اصبر واقول امرٍ مقدر ومقسوم
ابطيت ما شفناك يا ترف الاقدام ... يالله عساني منك ماني بمحروم
انا الذي لو ناموا الناس ما انام ... قلبي جريح ولا تبي عيني النوم
راضي بحبك والرضا سيد الاحكام ... لا يكون عدلك يا هوى البال معدوم
يا قرب حكم الحب من حكم الاعدام ... مظلوم لكن ما اقدر اقول مظلوم
راعي الهوى يا ناس ماهوب ينلام ... الله يلوم اللي يبي يلحقه لوم
ترى الوعد يا ناعس الطرف قدام ... والحب له باب وقوانين وسلوم
قلبي على لاماك عزام جزام ... تدري وانا ادري لكن السر مكتوم
محبتي لك ما بها شك واوهام ... والله ما بدل عشرتك دايم الدوم