لما يخاويك الحزن .. ويضيق بك وسع الفضا
ويصير هل العالم سجن .. وبداخلك جمرة غضى
الله ياكبر الألم .. لو جاك من سهم غريب
وشلون لوجاك السهم .. من شخص عديته قريب
لما تصير التضحية .. شيء عادي في شرع البشر
وتلقى السنين المقفية .. راحت من ايامك هدر
يعني بعد كل ما عطيت .. وافنيت عمرك بالعطا
وش هو شعورك لو لقيت .. اللي سويته خطا
لكن رغم كل ما حصل .. مهما تعاكسنا الظروف
بكرى تجي شمس الامل .. تشرق على الدنيا ونشوف
والظلم لو مهما يطول .. الي انكتب لازم يصير
دنيا وتجاربها تقول .. الله على الظالم كبير