لي صاحبٍ كنت احبه طول عليّه غيابه شمسه عليها غيوم
كان دايم يجيني واشوف ماهو جوابه واشاهده كل يوم
لاشك ربعه وشوا له من يوم رد بابه عني فلاشي علوم
وش اخرك يا حبيبي الخوف ولا المهابه من كلمة اللي يلوم
يا عقد كادي وريحان يا عسل في شرابه داوي جميع السموم
يا سابقٍ كل جيله خليت عاشق صبابه بعدك ي حالة وجوم
ابو العيون الكواحل والكحل زاهي خضابه حلو الحكي والرسوم
من يوم فرقاك قلبي محدٍ يهون مصابه ماله بغيرك لزوم
الله عليه المشاكي ما خاب منهو التجابه فوق الخلايق رحوم
قادر يردك على خير ياللي فتني شبابه حال الجفا ما يدوم