قل للغضي يرفق ترى القلب مجروح
واللي لجى به صابني من سنيني
هلت دموع العين من جفن مقروح
كثر الجفى خلى حياتي حنيني
يمنعني حفظ السر ما صيح وابوح
يمنعني العزه ما بين دفيني
عز الهوى عندي عن القول والبوح
اسكت على قلب بصدري طعيني
من عزني اهديت له القلب والروح
ما طعت قول اللي حكوا في ظنيني
ان سامحن خلي فهومني مسموح
ان طول بهجره غرامه مكيني
حطيت دون الناس جدران واصروح
ما بيع خلٍ بالهوى مشتريني
كم بارق اللي بالهوى لاح ويلوح
ما انسى معاني بالهوى تحتويني
ان فرحوا العذال من سر مفضوح
لعبوا على حبلك وحبلي متيني
هذا جوابي عن القول والبوح
تملي ما خط القلم واذكريني