يا هوى قلبي وياغاية مناي .. إن حصل مني خطأ فـ ادمح خطاي
كود ربي منك ما يقطع رجاي .. يا حبيبي ما معي غيرك حبيب
في غلاك ازعل ومثلي ما يلام .. العرب ترقد وعيني ما تنام
صارت الذكرى معي مثل الحلام .. الخطأ مني ولك حقٍ مصيب
اتعذر منك تسمح ما مضى .. يا حلو عقب الزعل منك الرضى
قاعدٍ كني على جمر الغضى .. ما على بالي بعيد ولا قريب
المحبه كلها لك والوفاء .. ما على الله يا هوى بالي خفا
من عطاني وجه مااعطيته قفى .. الجفا عقب الوفا عارٍ وعيب
اقبل المعذار يا غض الشباب .. لا تعذب قلبي المغرم عذاب
شف هواجيسي تجي مع كل باب .. جعل لي بمشاهدك حظ ونصيب
احيني بالوصل واللي فات مات .. في قدومك صاح صياح النبات
انت في قلبي شريكي في الحياة .. بك تقر العين وجروحي تطيب