الغزال اللي نهب قلبي يا ليت
رد قلبي في محله يوم راح
قمت أصوغ الشعر لجله بيت بيت
ما استرحت من الغرام ولا استراح
...
لاح برقه في عيوني واعتنيت
من خدوده يوم برق الحب لاح
نوح قلبي كل ما أصبحت ومسيت
مثل نوح الطير لي ع الغصن ناح
لو سقاني نهر حبه ما ارتويت
ضامي من شربة الحب القراح
كم على شانه من المشرق سريت
وكم على شانه تحاليت المراح
...
وكم على شانه تعنيت وعنيت
كل خطوه صوبه اشراقة صباح
فيه احلى ابيوت شعري قد بنيت
وله مدينة فالحشاء سيد الملاح
ابتديته فالمحبه وما انتهيت
ومعه احس القلب دايم في انشراح
صافي بحبه وانا بحبي صفيت
ممتلكني بالعشق صبح ورواح