ابتلش قلبي في خله ابتلش
ماعرف انه عدوٍ او صديج
كل ماسلى قلبي عن حبه نبش
وخلا الذكرى في قلبي تهيج
انا حسبالي ياعمري نسيت
حبي الماضي ما اذكر منه شي
ردت الذكرى وهزتني وبكيت
واتضح حبك بعده فيني حي
كل مايذكر فؤادي الهوى
يرجع الماضي على اوراق الحنين
ترجع الذكرى ترسلي ضوى
وفي ضوى الذكرى اطيافك تبين
جتني الاشواق وردتني لورى
ورجعت قلبي وردتله الغرام
يذكر قليبي كل شيٍ جرى
يذكر الماضي ياعمري تمام