ودعتني وتقول ترجع بعد عام
واقول مادري يامظنة عيوني
مايندرى يازين عن سر الأيام
وعسى العيون تشوف من ودعوني
تلعبنا الأيام وتزيد الأحلام
وتعز لقيانا وتكثر ظنوني
وتقول لي قلبك من الوجد مانام
واقول أنا العذال بك سامحوني
ليتك جرحت القلب يازين بسهام
وأبعدتني عن الذي يجرحوني
لكن سهامك ورد ما يورث آلام
يا ليتني وردٍ لجل تشتروني
وتزيد في سومك على كل من سام
على جوانب بيتكم تزرعوني