تعال وخذني لغيابك .. رجيتك والدموع تسيل
تعبت يهزني شوقي .. واطيح من الوله واشقى
سهرتك دمعه وصوره .. حفظتك والظلوع تشيل
بكاي اللي انحنى معه .. الشعور وما عرف يرقى
سكن قلبك احد غيري .. امانه اسأله يا ليل
خذاك وليت لو ماخذ .. سنيني وتاركك تبقى
اذا بعدك يغربني .. ف انا والله على ما قيل
طويت الارض لعيونك .. دروب تتجه شرقى
اسولف للجدي عنك .. ويشعر بالجروح سهيل
الا منه غدا صدري .. سماك وسيرة الفرقى
واذا رجعتك تالمني .. واذا فراقك يزيد الويل
ف انا ما بينهم في نار .. شبت داخلي حرقى
دخيل الله وامان الله .. ولا مني فقدتك حيل
ابيك ترجع احساسي .. اخاف ب يوم ما القى
انا برحل ولا عندي .. سوى ذكرى تهد الحييل
فمان اللي بقى مني .. عتاب ودمعة زرقا