يستاهل الجرح من يجرح محبينه
وإللي جرح صاحبه يستاهل الجرح
غرست بك ورد وإنت أغرست سكينه
الله يا هالزمن صار الغلط صح
إللي وفا لك لزوم تردله دينه
لا تنكر حقوق خل متعبه الشرح
ومنهو يجي منتمي لك خذه بيدينه
طر به لصدرك وضمه الشوق يفضح
...
إحفظ عهودك وصنت الحب من حينه
أكرمتك بغيبتك شيدت لك صرح
بنيت لك من غلاتك بستان وجنينه
رويتها بدمع عيني من بعد يذبح
أهديتك روحيتي وأهديتني بينه
عودلي ضحكة شفاي إن كنت تسمح
من حب مثلك أناني الله يعينه
لا شفت منك الهنا لاشفت أنا أفرح