ما عرفت انطق

ما عرفت انطق وانا اللي من سادات الحكي

والكلام اللي في قلبي في بحر صدري غرق

ودي احكي لو ثواني ودي همي يرتكي

كل ما جيت اتكلم كل حرف بي شرق

ما عرفت انطق

ماني بالعادة ابين دمعتي ولا اشتكي

الله اقوى يا زماني ذاب عمري واحترق

ما هو من طبعي اساسا لا عتاب ولا بكي

حتى لو قلبي عصاني يا حبيبي وانسرق

ما عرفت انطق

ماني اللي لو تهاوت رحت اغير مسلكي

اعرف ان الله خلق واعرف ان الله فرق

بس حبك ما قويته ومات باسبابه حكي

وطاح قلبي من مكانه يا حبيبي وصرت ارق

وما عرفت انطق