وقالوا سعيده في حياتها واصله لكل أحلامها
وباينه عليها فرحتها في ضحكتها وفي كلامها
وعايشه كأنها في جنه وكل الدنيا مالكاها
وقالوا عنيده وقويه مبيأثرش شيئ فيها
محدش في الحياه يقدر يمشي كلمته عليها
هتحلم ليه وتتمنى مفيش ولا حاجه ناقصاها
ومن جوايا انا عكس إللي شايفينها
وع الجرح اللي فيها ربنا يعينها
ساعات الضحكه بتداري في جرح كبير
ساعات في حاجات مبنحبش نبينها
كتير أنا ببقى من جوايا بتألم
ومليون حاجه كاتماها بتوجعني
بيبقى نفسي أحكي لحد وأتكلم
وعزة نفسي هي إللي بتمنعني
...
سنين وأنا عايشه في مشاكلي وبعمل اني ناسياها
وحكموا عليا من شكلي ومن العيشة إللي عايشاها
أنا أوقات أبان هاديه ومن جوايا نار قايده
ولو يوم اللي حسدوني يعشوا مكاني لو ثانيه
ولو شافوا اللي أنا شفته هيتمنوا حياة تانيه
ولو احكي عن اللي انا فيه هتفرق ايه ايه الفايده
ومن جوايا انا عكس إللي شايفينها
وع الجرح اللي فيها ربنا يعينها
ساعات الضحكه بتداري في جرح كبير
ساعات في حاجات مبنحبش نبينها
كتير أنا ببقى من جوايا بتألم
ومليون حاجه كاتماها بتوجعني
بيبقى نفسي أحكي لحد وأتكلم
وعزة نفسي هي إللي بتمنعني