سهرنا يا ليل للصبح يا ليل .. وأمانه ما تمشي يا قمر الليل
أه يا محلى الليل ويا حبيبي .. ده حياتي معاه بقى ليها حياه
لو هفضل طول الليل حضناه .. مش هشبع من حضن حبيبي
إستني يا شمس بقى إستني .. مش عايزه حبيبي يروح مني
متجيش وحياتك دلوقتي .. أصل أنا لسه محدتش وقتي
عايزه أسهر مره على طريقتي .. وأتهنى لحد الصبح معاه
إستني يا شمس كما حبه .. محتاجة إني بحضنه أتخبى
وقف يا زمان ساعتك ليله .. دي السهره بقت جنبه جميله
وحياتي مجتش من الليله .. ده أنا قلبي ما صدق يبقى معاه
...
هنغني يا ليل للصبح يا ليل .. وامانه ما تمشي يا قمر الليل
أه يا محلى الليل ويا حبيبي
ده حياتي معاه بقى ليها حياه .. لو هفضل طول الليل حضناه
مش هشبع من حضن حبيبي
علشان خاطري بقى يا ليل طول .. ويا ريت لو ترجع من الاول
خليك سهران حبه معانا .. الليله انا اسعد انسانه
لو هفضل مية ليل سهرانه .. مش هتعب برضه مادام حضناه