عايشين سنين ما كانتش على كيفنا
خايفين وخوفنا كمان مكتفنا
تايهين لكن ماشيين
وسنين تجر سنين
شايفين جراح لجراح بتحدفنا
شايلين هموم تقلت على كتافنا
طب مين يشيل عن مين
وسنين تجر سنين
أيام من الأيام بتخطفنا .. أيام
بقت تكسر مجاديفنا
ومنين بعدين هنقدر نعدل الدفة
ومنين وفي مين هنتحامى ونتدفى
...
سايبين سنين تتسلى بوجعنا
طب فين نلاقي حضن بيسعنا
ساكتين ومش قايلين
وسنين تجر سنين
من فين لفين واخدانا متاعبنا
شطين وبينهم تايهة مراكبنا
قبلين شبه بعدين
وسنين تجر سنين
أيام من الأيام بتخطفنا .. أيام
بقت تكسر مجاديفنا
ومنين بعدين هنقدر نعدل الدفة
ومنين وفي مين هنتحامى ونتدفى