انا عاشقه ومبقولهاش بخاف من قلبك القاسي
واخاف يخدعني إحساسي وانا مش حمل جرح جديد
واشوف صورتك في عين الناس
يعيش قلبي مع الحيره واموت يا حبيبي من الغيره
اقرب ولا اروح لبعيد
وبتعدي السنين وانا بين البينين
لا انا قريبه ولا بعيده ولا نهاري باينله عنين
...
ياريت عندي لقلبي بديل ومش علشان ينسيني
لكن علشان يقويني في لحظة ضعفي ميسبنيش
انا الفرحه اللي مبعيشهاش مبلمسهاش في ايامي
بشوفها يا دوب في احلامي بموت والاسم اني بعيش
وبتعدي السنين وانا بين البينين
لا انا قريبه ولا بعيده ولا نهاري باينله عنين
...
وأقول أنساك عشان أرتاح وعمال قلبي بيدافع
وحتى الصبر مش نافع انا مش عارفة انا أعمل ايه
ويوم عن يوم جراحي تزيد ويكبر شوقي جوايا
ما ترحمني بقى كفاية تعبت خلاص من اللي انا فيه
وبتعدي السنين وانا بين البينين
لا انا قريبه ولا بعيده ولا نهاري باينله عنين