البارحه ماسليت .. ولابنومي اهتنيت
والشاهد الله بكيت .. باسباب بدر التمام
عقب العشاء رحت ازور .. ساري بليا شعور
مشتاق لبدر البدور .. وراعي الهوى مايلام
دخلت بيته وانا .. كلي سرور وهنا
جاء غايتي والمنا .. تعبان والله حرام
زهمني في غرفته .. يخاف احد ينتبه
وارخى طرف عطوته .. ثمن جددنا السلام
من شفته قلبي رجف .. ومن روعه جوي اختلف
والعقل مني انحرف .. وانقلب نوري ظلام
سابقتني دمعتي .. وشهقت ياحسرتي
ومسحتها بغترتي .. اخاف زودالكلام
قلت امش يم الطبيب .. تاخذ علاح وتطيب
قال انت لو ماتغيب .. انا بنعمه دوام
قلت انا روحي فداك .. ماهمني الا رضاك
في خير ولاا هلاك .. يالموت والنار حام
مادمت صارحتني .. وفي الحب متعتني
واخلصت ماخنتني .. هذي اصول الغرام
القلب عاف الجميع .. لو يشترونه يبيع
مايسمع ولا يطيع .. الا انت ياابن الكرام