بالهون بالله ياأريش العين بالهون
ارفق على قلبٍ تزايد لهيبه
من حبك اسهر والخلايق ينامون
ياصويحبي كثرت علي المصيبه
يازينِ قلبي مغرمٍ فيك مفتون
عساكِ ياغض النهد من نصيبه
قالولي العذالِ تراك مجنون
هذاك مغلينه هله وش تبي به
ياحيلة الله شغل الايام وشلون
كم من حبيبٍ شفتٌه من حبيبه
واحترت انا مابين باكي ومحزون
والكل منهم يشتكي من حبيبه
والختم ابطلب من له الخلق يدعون
قرب حبيبٍ شوفته لي صعيبه