يا خوي انظر لحالي وش جرالي ... نهب عقلي غزال الصالحيه
زريف الطول يهرج ما يبالي ... حروف الحب في لسانه طريه
انا من قبل اشوفعه كنت سالي ... وحب البيض ما يطري عليه
ابو مبسم حمر والريق حالي ... وحلى محلى الذهب فوق الثنيه
ولا ياليت ما جيته وجالي ... ولا كنا اجتمعنا بالسويه
اكيد ان الغضي داله وسالي ... ولا فكر بما قد صار ليه
وانا سهران وافكر لحالي ... ما عمري في الهوا حبيت زيه
لاول نظره حبه صطالي ... وكواني كيه من فوق كيه
ولا ياليت سيد البيض جالي ... وداوى جروح من اجله خفيه
انا وان مت باسبابه حلالي ... و لياكم تمسونه بسيه
وسهوم عيون سيدي كالنبالي ... ولا سلهم بها حت المنيه
والى منه مشى والكعب عالي ... حدى الوركين يشكي من خويه
وكتف وردف ومشيه باعتدالي ... وشعر ليلي نازل لـالشطيه
وحلفت ان كان ابو خالد عنا لي ... لا خلي البيض له ارض وطيه
ولا توب من الهوى واجلس لحالي ... انا وياه في ارض خليه
وغير الزين انا ما ارضى بدالي ... وتهون الروح لو يطلب هديه