انا ما قلتها الا من الخاطر
ولا اقدر بعد اكثر اخرها
من الآخر انا احبك من الآخر
ترى بيني وبيني دوم اكررها
انا كل يوم اداعب طيفك العابر
واسراب المحبة لك اطيرها
نسيت الأمس دامك ذاكرة باكر
حياتي قبل اعرفك ليش اذكرها
احاول ما ابين بس مو قادر
عيوني تفضح اسراري وتبخرها
ومادام اني طلبت وقلت لي آمر
بعد هاليوم عيني لا تسهرها
بقلبي لك حكي ما مر على شاعر
ومدينة من مشاعر لا تدمرها
ولأنه الحب في هذا الزمن نادر
احبك كثر ما احبك واكررها