مشتاق له ودي بشوفه .. بهجة الخاطر وفرحة العين
ليته هنا تجمعنا ظروفه .. هو سيدي وسيد المزايين
سلم سلامٍ كفوفي بكفوفه .. يفز له قلبي قبل مد اليدين
ودي بحضنه لولا خوفه .. كني مسافر رجعه الحنين
شمس النهار خده كسوفه .. فيه الحيا من خصال الزين
اموت به واعشق حروفه .. متى تود تشوفه العين
نظرته تحكي وشهو بجوفه .. نهار شامخ في لحظة اللين
ولا روح الروح منهو يعوفه .. كامل حلاه زود الزين زين
كني سحابه تجي ملهوفه .. تسقي حنين الحب اليقين
عن شوقي له ماني بحسوفه .. ودي اكحل بشوفته العين
ليت المسافه بعرض كتوفه .. بالصبر حايلت عناده الشين
كل مابغيته اسأل طيوفه .. متى حبيبي يرجعه الأنين