إنتا مسافر ؟؟ .. ولأول مرة تغيب عني
إنتا مسافر ؟؟ .. ولأول مرة تروح مني
ولأول مرة الضحك في عيونك بكى
ولأول مرة بشوف خيالي في البكا
الدموع دي عندي غالية .. عايزة اشوفها في ابتسامة
عايزة اشوفها مرة تانية .. وإنتا راجع بالسلامة
وألف سلامة .. وألف سلامة
***
كلمتين خليك فاكرهم مهما ليل الغربة يطول
إن أنا من غير ماسافر غربتي بالحب أكبر
كل سكة مشينا فيها ح أمشي واتغرب عليها
كل فرحة شافها قلبي معاك ح أصبر روحي فيها
والليالي الحلوة جنبي ويلي منها ومن إللي فيها
كل ليلة منها دنيا أبيع حياتي واشتريها
الدموع دي عندي غالية .. عايزة اشوفها بابتسامة
عايزة اشوفها مرة تانية .. وانتا راجع بالسلامة
وألف سلامة .. وألف سلامة
إنتا بتقول إيه يا أملي ماانشغلش إزاي عليك ؟؟
دانتا إن صدف ماكنتش جنبي كل يوم ح ياخدني ليك
والكلام إللي إنتا عارفه فوق شفايفي ح يناديك
والحنان إللي إنتا سايبه جوه قلبي مش ناسيك
الدموع دي عندي غالية .. عايزة اشوفها بابتسامة
عايزة أشوفها مرة تانية.. وانتا راجع بالسلامة
وألف سلامة .. وألف سلامة
اكتبلي .. اكتبلي دايماً أول بأول
إنشالله كلمة وأنا ح أكمل
ماانا أصلي عارفة ح تقوللي إيه
قلبك ياروحي سلمته قلبي
لا ح يقدر يكدب ولا ح يخبي
أمال أنا سايباه معاك ليه
كل سكة مشينا فيها ح أمشي واتغرب عليها
كل فرحة شافها قلبي معاك ح أصبر روحي فيها
والليالي الحلوة جنبي ويلي منها ومن إللي فيها
كل ليلة منها دنيا أبيع حياتي واشتريها
الدموع دي عندي غالية .. عايزةاشوفها بابتسامة
عايزة اشوفها مرة تانية .. وانتا راجع بالسلامة
وألف سلامة .. وألف سلامة