طلبتك

طلبتك لا تسيء الظن ولو تدري قبل ساعات

من اللهفه تباطيته وعدك وجيت له بدري

وهاذاني رجعت لموعدك ثاني وهو قد فات

بعد ما رحت أنا أدوّر عليك وهذا هو عذري

أمانه دامني ويّاك عدّيها ولم شتات

خفوقٍ فاض به شوقه ولا نافع معه صبري

أمانه فكّني بالله شر الشّك واللاآت

ما دامك بس في بالي في بالك غيري لا يطري

أنا ما أبي من الدنيا سواك إنت ترا بالذات

عسى قلبك على قلبي مثل ما هو على خبري

حبيبي والعمر كله على بعضه يمر لحظات

وينقص في غيابك يا حبيبي شي من عمري

جمعني فيك أنا موعد هقيت إنه عليّ قد فات

وعرفت برجعتِي لك يا حبيبي قدرك وقدري

لأجل شوفك أنا جيتك وقلبي يسبق الخطوات

وتسألني حبيبي كيف أنا نفسي ترى ما أدري

التبليغ عن خطأ