أضف كلمات أغنية

استمع إلى "ماذا دهاك؟" على أنغامي

أنغامي

 

(266) مشاهدة


ماذا دهاك؟

يا من دهتني عيونك واحتوتني يديك
الله يسامحْك كيف تقول ماذا دهاك؟
ماتدري اني متيّم بك وكلي لديك
مملوك مأسور مسبي مستهام بهواك
واموت كلي معك .. واموت فيك وعليك
واغليك لكن عسى الله ما يبيّن غلاك
واحنّ اليك .. وعليك احنّ من والديك
ومن لهفتي عين قدّامك وعينٍ وراك

...

أشتاق لك واشتكي لك منك واشكيك اليك
كلك ملكني .. وكلك في عيوني ملاك
جادلك جيدك جبينك خنجرك حاجبيك
اسمك سماتك سمّوك سِسْتِمِك مستواك
جوريْك جمرك لجينك عسجدك وجنتيك
ذرابتِك رقّتِك روعة حضورك بهاك
وجهك وهج مبسمِك بسمَتْك غمّازتيك
براءتك .. خالك اللي لاذ بايسر شفاك

...

سِجِنّجِلِك جلنارك نرجسِك كركديك
كاديك مسكك نسيمك شمس صبحك مساك
سلهام عينك .. نَعَس طرفك .. حَوَر مقلتيك
بوهَتْك ملحك حلاتك خف دمك حياك
ما اعرف اعوّد ولا اهدّي ولا امسك بريك
لاجيت اجي كلي .. وكلي عساني فداك
أقدّم الروح كاش .. وباقي العمر شيك
باسمك مصدّق ولا يصرف لحيٍ سواك

 كلمات: خليل الشبرمي
 ألحان: عبدالله المناعي
 تاريخ: 2019

استمع إلى "ماذا دهاك؟" على أنغامي

أنغامي

 

التبليغ عن خطأ



Scripts