الصدر ضايق يقاسي هموم .. مع طول الايام مشقيني
بالبيت اجلس وانا مكتوم .. واصدر ليمن بكت عيني
وفالبر امشي تقل منجوم .. ادور على احجٍ يحاكيني
القلب يا صاحبي مسموم .. مريض محدٍ يداويني
اجي على شانكم ملزوم .. قلبي ورجلي تمشيني
والناس ترقد وانا ما انوم .. واذكرك لو كنت ناسيني
لا تامن الوقت لك ما يدوم .. لو زان لابد ما يشيني
لك يوم يا ظالمي لك يوم .. ادور عليّه تراضيني
مقسوم ما صار لي مقسوم .. واللي وطأ الناس واطيني
راعي الهوى دايماً مظلومن .. هذي سوات المحبيني