يا ولد سالم الرجعان قلبي جريح .. وانت عندي عزيز القدر واغلى صديق
والله اني اعرفك بالمواقف صريح .. احرقتني همومٍ كل ما بي حريق
ليتني مثل غيري مهتني مستريح .. لي طرى لي بعيد الدار صدري يضيق
كل ما خالت عيون بروقٍ تليح .. قمت اسوّي سوايا للاسف ما تليق
اخاف تكبر همومٍ فوق هذا وابيح .. وانت عندي على حالي شفيق
آه لو مثل غيري كان انادي واصيح .. صيحه اللي وقع في وسط بحرٍ غريق
كم شرحنا وقلّنا في لسانٍ فصيح .. ادخل الله علي اللي حسن عوده رقيق