هو صحيح اني انا اهواك بغرور
منهو قـدّي في غلاك ومن سواي
ماني زيادة عدد بين الحضـور
مالي منافس تأكد يا غلاي
لو تلّف الكون كله لو تـدور
ما تلاقي مثل حبي أو وفاي
والهوى ويّاك احساس و شعور
يوم غيرك ما قدر ياخذ غلاي
وانت خلّي ما على حبّك قصور
والمحبّه ما تليق الا معاي
حافظٍ ودّك ولا اسمع فيك شور
دام حبّك عاش في صدري وحماي
يا وجودك زاد لي دنياي نور
وفي غيابك يا كبر والله بلاي
تبتسم لي وينخلق اجمل شعور
يا غرامٍ لايقٍ في مستواي