انا لي حبيبٍ غاب عني ثلاث شهور
وانا من بعد ماراح ماغمضت عيني
حبيبي بعد ما راح انا خاطري مكسور
ولا يمكن احدٍ عن حبيبي يسليني
فقدناك يا وجهٍ تشعشع عليه النور
عسى الله يجيبك لي علشان تحٌيني
ولاجيت يا خلي ترى خاطري مسرور
مادام انت عندي يا حبيبي تراعيني
عسى الله يساعدنا نشم الهوى المذكور
انا وانت بالطايف نزور البساتيني
ولا قلت هرجه قلت يا صاحبي مشكور
على شان كنا عن سوالفك مبطيني
انا يا حبيب الروح في حبكم مسحور
يا عل المحبه تنقسم بينك وبيني
ولا تاخذ شوارٍ غير اللي يعرف الشور
فطين الملامه هم عن الحب داريني