شو كان سهل عليي اني فل
بس اخترت اني ابقى كرمالك
وقت اللي كلن فلوا وتركوك لاني بحبك
ولاني وعدتك اني بكل الاوقات
الايام السودا وبكل الايام
رح ابقى حدك ولو مهما كان
ما في شي بيعنيلي غير اني عيش
بوطني اللي رسمته ببالي
صورة حلوه حلم كبير اهرب اتخبى فيه
وطني الغنيه
لو تعرف شو صليت واتمنيت انه يصير
ما عاد فيي كفي بحبسي الكبير
اخترت الحريه بدي التغيير
ماتزعل مني يا وطني
انت بتعرف ما مره تركتك
بأسوأ ايامي بجنون حياتي
بقيت على وعدي ما تبعد عني
بزعل ع حالي بزعل عليك
انا وفيك وحاسه بالغربه
ما بتستاهل هالبشاعه اللي عمتلها بايديك
انت الطفوله
والسما الزرقا بيتي والخير اللي كان
ايام الحلوه اهلي والجيران
والضحكات اللي صاروا نسيان
شو بقول لولادي اللي حلموا فيك
كذبت عليي وما كنت وطني اللي بيشبهني وبلاقي حالي فيك
بكرا بيكبروا بدورن بفلوا على وطن جديد
يغمرهن ويكبر حلمن فيه
لو مهما كان هالوطن بعيد
ماتزعل مني يا وطني
ماتزعل مني يا وطني
انت بتعرف ما مره تركتك
بأسوأ ايامي بجنون حياتي
بقيت على وعدي ما تبعد عني
يمكن حكيت كتير
بس كان لازم قلك كل اللي بقلبي
ما بدي منك الا انك تسمعني وتصدقني
ماتزعل مني يا وطني